U3F1ZWV6ZTQyOTU0ODUxNjMyX0FjdGl2YXRpb240ODY2MTkyMDM1MzI=
recent
أخبار ساخنة

ليه الشوفان؟


الشوفان فوايد لا تحصى إسمع القصة
شوف الشوفان نوع من أنواع الحبوب الغذائية زى القمح والعدس و الشعير ولكن منتشر بأوربا و أمريكا الشمالية عشان كده مش مشهور عندنا بالوطن العربى عكس الحبوب التانية .
الحقيقة هوه ليه فوايد كتيرة جدا مثبتة علميا زى إنه بيخفض نسبة السكر بالدم وهنعرف ليه ونسبة الدهون و الشمع الضار .
الشوفان بيتباع مقطع بحبوبه الكامله زى مابتشوف كده بالسوبر ماركت ودا عشان يبقى سهل أنه يمتص الميه ويكون سريع الطبخ .
وبيتعمل منه كل حاجة للمرضى الممنوعين من القمح زى مرضى الصدفية أو البهاق أو الغدة الدرقية سواء نشاط أو قصور موجود منه مخبوزات وبسكويت .
أهم ٣ نقاط بالشوفان التالى :
١- أنواع النشا اللى فيه .
٢- أنواع الألياف اللى فيه .
٣- المواد الفعالة اللى فيه .
١- النشا :
النشا بالشوفان ٣ أنواع النوع الأول وبيمثل ٧٪؜ ودا اللى بيتهضم بسرعة وبيمتص بسرعة وبيرفع الجلوكوز على طول .
النوع التانى ٢٢٪؜ ودا بيرفع السكر تدريجى و هضمه صعب شوية .
النوع التالت اسمه النشا المقاوم للهضم ودا مش ليك دا عشان البكتريا الحميدة اللى فى القولون تاكل عيش لذلك أرجوك متنساش تاكل الزبادى مع الشوفان ودا شوفته بعينى الأمريكان بيكلوه بإنتظام .
لذلك الشوفان وجبة كاملة فيها كل أنواع السكر اللى بيها ميترفعش سكرك فجاءة فيحصلك أعراض رهيبة بأعصابك ومينزلش فجاءة فتحس بدوخة رهيبة وروحك مسحوبة وهيغمى عليك عشان كده هوه مثالى لمريض السكر .
كمان النشا اللى مابيتهضمش دا هيخليك تخش الحمام لأنه هيعمل كتلة للفضلات حلوة .
٢- الألياف :
حبة الشوفان الكاملة فيها ١١٪؜ ألياف ودا رقم مش قليل و منهم نسبة ٨٠٪؜ ع الأقل بيتا جليكان وشوف مهما قلت عن فوايد البيتا جليكان والله محتاج مراجع أهم نقطة أن بيشرس جهاز المناعة جدا جدا جدا بيخليه صاحى وفايق للى حواليه من الأعداء  يعنى لو عندك عيل اللوز مثلا ملازماه عليك والشوفان كل يوم .
٣- المواد الفعالة اللى فيه :
أهم نقطة هوه وجود مادة فعالة إسمها أفيناثراميد ودى فيها ميزة جبارة لأنه بتمنع إلتهاب الشرايين وبالتالى ليس الجسم بحاجة أصلا لتكوين الكولسترول الضار .
أتمنى تكون فهمت نبذة عن الشوفان وليه هوه مقدس بأوربا وأمريكا وعرف غيرك فوايده وشير بالخير .
دمتم بصحة  Raedto2.com
ليست هناك تعليقات
إرسال تعليق

إرسال تعليق

الاسمبريد إلكترونيرسالة